July 11th, 2010

Таниқли ҳофиз ва шоир Дадахон Ҳасан билан журналист Юсуф Расул суҳбати.

Юсуф Расул: -Шу йилнинг июн ойида Қирғизистон жанубида юз берган хунрензликлар ҳақида ёзган шеърингизда, бу қирғин бошида мамлакат президенти Роза Отунбоева турганига ишора қилдингиз. Ҳақиқатдан бу қирғинга ҳукуматнинг алоқаси борлиги ҳақида сизда қандай далиллар ёки тахминлар бор?

Дадахон Ҳасан: -Қирғизистондаги ўзбекларга қарши бошланган қирғин бошида Роза Ўтинбоева раҳбарлигидаги муваққат ҳукумат турганлигини аниқлаш, далил қидириш, таҳлил қилиш учун Луқмони Ҳаким бўлиш шарт эмас. Фақат икки-учта далилни келтириш кифоя.

7-апрелъда бўлиб ўтган сохта инқилобни 3-ёки 4-куниси муваққат ҳукумат қарори билан Қирғизистон Олий Суди томонидан қамоқда ётган генерал майор Исмоил Исоқов озод этилди ва у муваққат ҳукумат томонидан Қирғизистон Мудофаа вазири этиб тайинланди. Ҳамма куч, қурол-аслаҳа, техника воситалари Исмоил Исоқов ихтиёрига ўтказилди. Läs mer →

December 10th, 2009

Халқимизнинг севимли ҳофизи, исёнкор қўшиқлар ва шеърлар муаллифи Дадахон Ҳасаннинг “Лайло” қўшиғини тинглаб ўйга толмаган, кўнгил дунёсини ширин бир орзиқиш, адоқсиз севги-муҳаббат, тушуниксиз дарду андуҳлар эгалламаган инсон топилмаса керак. Дадахон Ҳасанни дунёга танитган “Лайло” қўшиғинини тинглаб наҳотки бу қўшиқ шеър муаллифи, марҳум шоир Рауф Парфининг ички изтиробларинигина ифода этган бўлса? дея хаёлга толаман. Ахир бу қўшиқ Дадахон Ҳасаннинг кўнгил нолалари-ку! Чексиз-чегарасиз мунг ва дард билан айтилган бу қўшиқ беихтиёр инсонни сеҳрлаб олади. Яна қайтадан “Лайло”ни эшитгингиз келади.
Нега “Лайло” бу қадар машҳур бўлиб кетди? Дадахон Ҳасан бу қўшиқда ўз дарду андуҳларини, ўз муҳаббатини ҳам тараннум этмаганмикан?

Севимли ҳофизимиз менинг бу саволларимга бажонидил жавоб беришга рози бўлдилар. Läs mer →

November 23rd, 2009

“Бирлик” халқ ҳаракати асосчиси, халқимизнинг севимли ҳофизи, шоир Дадахон Ҳасан бундан уч йил муқаддам Андижон фожеалари ҳақида айтган қўшиғи ортидан маҳкамага тортилган эди. Айни пайтда ҳофизга белгиланган жазо муддати тугаган. Биз ҳофизни маҳкамага олиб келган “Андижонда қатлиом бўлди” деб номланган қўшиғи тарихи ва шу қўшиқ сабаб бўлиб ўтган суд жараёнлари билан қизиқдик.

Юсуф Расул: -“Андижонда қатлиом бўлди” деб номланган қўшиғингиз матни муаллифи ким? Бу қўшиқнинг яратилиш тарихи ҳақида гапириб бера оласизми?

Дадахон Ҳасан: -“Анжанда қатлиом бўлди” қўшиғимни матни ўзимники. 2005 -йил 13-май куни тушдан кейин “Озодлик” радиосининг Тошкентдаги офисидан Ҳусниддин менга телефон этиб “Андижонда исёнчилар ҳокимият биносини эгаллаб олишибди, аскарлар билан улар ўртасида отишма бўляпти экан, эшитдингизми” деди. Läs mer →

Юсуф Расул

(Андижонлик қочқинлар шеърларини ўқиб)

Бу сўзлар кўнгилнинг тубидан кўчган
Зулматни ёритган митти бир чўғдир.
Бу сўзлар адолат томондан манфур
Зулмга, золимга отилган ўқдир.

Булар оддий сўзлар эмас шунчаки,
Қирғин, қатағондан кўтарилган дод.
Ёлғонлар пардасин ёриб чиққандек
Андижон томондан ўрлаган фарёд. Läs mer →

17.02.05

Ўзбекистон махсус хизматлари мамлакатни аниқ ва шубҳали диний экстремистлардан тозалашар экан, суфийларгача етиб кедилар.

Юсуф Расулов, Тошкент ва Матлуба Азаматова, Андижон.

Ўзбекистонда исломий экстремизмда гумон қилинаётганлар билан боғлиқ маҳкама жараёнлари, гарчи улар ҳақида маълум қилинмасада одатдаги ҳаракатга айланиб қолаётган эди, лекин утган хафтада радикализмдан йирок бўлган мусулмонлик тариқати вакилларини суд қилишди.

17 февралда судланувчилар Рашид Тошматов ва Нурали Умрзоқовларга олти йиллик қамоқ жазоси тайинланди. Уларнинг иккаласи ҳам Исломдаги фалсафий-мистик оқим – Суфизм издошларидир.

Судланувчиларнинг суд залида эътироф этишларича улар 12 асрда Бухоро яқинида таваллуд топган, Исломдаги суфийлик мактабларидан бирининг асосчиси, ислом дунёсидаги улуғ мутафаккир – Бахоуддин Нақшбандий издошлари ҳисобланишади. Läs mer →

”Акромийлар” ҳаракати лидери деб айтилаётган Акром Йўлдошевнинг турмуш ўртоғи Ёдгорой Йўлдошева ”Исёнкор”га интервю берди.

Баъзи бир интернет нашрларида, жумладан Демократик Ўзбекистон Конгресси сайтида АҚШнинг Айдаҳо штатида яшаётган 65 нафар Андижонлик ватанга қайтишга ҳозирлик кўрмоқда, уларга Акром Йўлдошевнинг турмуш ўртоғи бошчилик қилмоқда, деган хабар берилди. Бу масалага ойдинлик киритиш мақсадида Ёдгорой Йўлдошева билан боғланиб, унга баъзи бир саволлар билан мурожаат қилдик.

Ёдгорой опа аввалига жуда кўп журналистлар интервю олиб, нотўғри хабарларни тарқатганликлари боис биз билан суҳбатлашишга рози бўлмадилар. Ҳеч бўлмаса интернетда чиқаётган баъзи хабарларга изоҳ беришларини сўраганимиздан кейингина бироз иккиланишдан сўнг саволларимизга жавоб қайтара бошладилар. Läs mer →

Ҳотам Ҳожиматов билан суҳбат.

Ҳотам Ҳожиматов ҳақида қисқача маълумот: 1962 йилда Қирғизистоннинг Ўш шаҳрида туғилган. Маълумоти олий. Мутахассислиги: нефт муҳандиси. Россиянинг Тюмен шаҳридаги нефт корхоналарида ишлаган. 2003 йилидан Иваново шаҳридаги текстил импорт экспорт савдоси билан шуғулланувчи ”Ростекс” фирмаси директори. ”Иваново ўзбеклари” жамоат ташкилотини асосчиси. Бу ташкилот Россиядаги ўзбек сиёсий қочқинларига ёрдам кўрсатиш билан шуғулланган.

2005 йилнинг 18 июнида Иванова шаҳрида 14 этник ўзбеклар қаторида, Ўзбекистон ҳукумати талаби билан Андижон воқеаларига алоқадорликда айбланиб қамоққа олинган. Иванова тергов ҳибсхонасида 4 ойга яқин ассоссиз равишда ушлаб турилган. Халқаро ҳуқуқ ҳимоячилари ташкилотлари талаби билан ва Россия граждани бўлгани сабабли озодликка чиқарилган. Лекин Россия ҳукумати уни Ўзбекистонга топшириб юбориш мақсадида шошилинч равишда Россия гражданлигидан маҳрум қилган. Ҳотам Ҳожиматов яна қайта қамокқа олиниш хавфи борлиги сабабли Россияни ташлаб чиқишга мажбур бўлган. Ҳотам Ҳожиматов айни пайтда сиёсий қочқин мақоми билан Норвегияда яшайди. Ҳуқуқ Ҳимоячилари Халқаро ташкилотининг Норвегия бўлими раҳбари. Läs mer →

Юсуф Расул,
мустақил журналист.

Андижоннинг қоқ марказида
Отилдилар она –болалар.
Осмон узра ёйилди у кун
«Озодлик» деб оҳу нолалар.

Андижонлик номаълум шоир шеърида шундай мисралар бор: ”Андижон марказида оналар ва ҳатто болалар отиб ташланди. Ўша куни ”Озодлик!” деган қайғули ҳайқироқлар осмонни тутганди.

2005 йилнинг 13 май куни содир бўлган Андижон воқеаларидан сўнг, мамлакатни тарк этган кўплаб қочқинлар, ўз шеърларини яратдилар. Бу шеърларнинг айримлари айни пайтда Қирғизистон Республикаси пойтахти Бишкек шаҳридаги ”Аделат” (Адолат) ҳуқуқий килиникасида сақланмоқда. Ушбу клиника ходимлари алоҳида деворий газета ташкил қилишган. Бу газетада Андижонлик қочқинларнинг ижодий ишлари билан бирга ,уларнинг каштачилик намуналари ва миннатдорчилик хатлари ҳам ўрин олган. Läs mer →

Ғулом Мирзаевнинг ”Ёмонга – кун ҳам қоронғу, тун ҳам қоронғу” мақоласига жавоб

Ассалому алайкум ҳурматли Ғулом ака!

Сиз мени ”Немис тўлқини” радиосига берган интервюмда билдирган фикрларимни инкор қилар экансиз, ўзбек журналистларига хос бўлган ”холислик”, ”бетарафлик” сифатларини намоён қилибсиз. Ҳақиқатдан, бу мақолангиз (http://www.press-uz.info/?id_=3255) ғоятда мантиқли ва ишонарли чиққан. Бироқ, Ўзбекистон ичидан қараганда, шундай бўлиши мумкин. Ташқаридан қараганда эса бағоят кулгулидир.

Мен сизни шоир сифатида ҳурмат қиламан. Талабалик пайтларимда, шеърларингизни ўқиб ёд олганман. Кейинчалик, Ўзбекистон Миллий Ахборот Агентлигида ва Президент Маҳкамасида ишлаганингизни ва охирги йилларда, ”Моҳият” газетасига ишга қўйилганлигингизни эшитгандим. Läs mer →

”Фокус”

2005 йилнинг май ойи ўртасида Ўзбекистоннинг Андижон шаҳрида мамлакатнинг ички сиёсий вазияти ва халқаро муносабатлари тизимида мавқеи ўзгаришига сабаб бўлган ҳодисалар бўлиб ўтганди. Андижон воқеаларига гувоҳ бўлган кишилар жуда кўплиги ва улар ичида журналистлар ҳам борлиги борасида гапирилган. Бироқ, орадан бир йил ўтаётганига қарамай ҳукуматнинг исломчи исёнчилар томонидан қилинган ҳужумнинг самарали бостирилгани ҳақидаги қарашларига зид маълумотлар тарқатган бундай кишилар овози мамлакат ичидан ташқарига эшитилмаётир.
Ҳукумат хорижий оммавий ахборот воситаларида ишловчи журналистлар фаолиятига тўсиқлар ўрнатиб, Андижон ҳақида хабарлар тарқалишига қаттиқ қаршилик қилмоқда. ”Немис тўлқини” шу сабабли яқинда мамлакатни тарк этиб, Европа мамлакатларидан биридан сиёсий бошпана олган Ўзбекистонлик журналист билан боғланди. ”Фокус” дастурининг бугунги сонида Андижон воқеалари ва ундан кейинги Ўзбекистондаги вазият ҳақида Юсуф Расулов билан мусоҳабани тингланг. Läs mer →